ഭുവനേശ്വര്‍: ഒഡീഷയില്‍ നവീന്‍ പട്നായിക്കിന്‍റെ ബിജെഡിയില്‍നിന്ന് മൂന്ന് എംഎല്‍എമാര്‍ ഉള്‍പ്പെടെ നിരവധി നേതാക്കള്‍ ബിജെപിയില്‍ ചേര്‍ന്നു. ലോക്സഭാ തെരഞ്ഞെടുപ്പില്‍ സീറ്റ് നിഷേധിച്ചതില്‍ പ്രതിഷേധിച്ചാണ് നടപടി. ദെബര്‍ജ് മൊഹന്തി, പുര്‍ണ ചന്ദ്ര നായക്, സുകാന്ത് കുമാര്‍ നായക് എന്നിവരാണ് പാര്‍ട്ടിവിട്ട എംഎല്‍മാര്‍. നേരത്തെ ബിജെഡിയിലെ പര്‍ദിപ് എംഎല്‍എ ദാമോധര്‍ റൗത്ത് ബിജെപിയില്‍ ചേര്‍ന്നിരുന്നു. ബിജെഡിയുടെ മുന് എംഎല്‍എമാരായ മൂന്നു പേരും ബുധനാഴ്ച ബിജെപിയില്‍ ചേര്‍ന്നു.
നിരഞ്ജന്‍ പ്രധാന്‍, കാശിനാഥ് മല്ലിക്, കെ. നാരായണ റാവു എന്നിവരാണ് ബിജെഡിവിട്ടത്. 2009 ല്‍ സ്വതന്ത്ര സ്ഥാനാര്‍ഥിയായി വിജയിച്ച മുന് എംഎല്‍എ നിലാമണി ബിസോയിയും ബിജെപിയില്‍ ചേര്‍ന്നു.ഗുനുപുര്‍ എംഎല്‍എ തൃനാഥ് ഗൊമങ്കോ പാര്‍ട്ടിയില്‍നിന്നും രാജിവച്ചങ്കിലും വേറെ പാർട്ടിയിൽ ചേർന്നിട്ടില്ല. 2014 ല്‍ സീറ്റ് നിഷേധിച്ചതിനെ തുടര്‍ന്ന് ബിജെഡിവിട്ട് ജാര്‍ഖണ്ഡ് മുക്തി മോര്‍ച്ചയില്‍ (ജെഎംഎം) ചേര്‍ന്ന മുന് എംപി ലക്ഷ്മണ്‍ ടുഡുവും ബിജെപിയില്‍ അംഗമായി.
പ്രമുഖ ആദിവാസി വനിതാ നേതാവ് കുഷും ടെറ്റെയും ബിജെഡിയില്‍നിന്നും ബിജെപിയിലേക്ക് ചേക്കേറി. ഇതോടെ ഒഡിഷ ബിജെപി ഭരിക്കുമെന്ന് ഏറെക്കുറെ ഉറപ്പായ സാഹചര്യമാണ്.
Post Your Comments