ഇസ്‌ലാമാബാദ്: ഓടിക്കൊണ്ടിരിക്കുന്ന ട്രെയിനിനെ ലക്ഷ്യം വച്ച് നടത്തിയ സ്ഫോടനത്തില്‍ മൂന്നു മരണം. പാകിസ്ഥാനിലെ ബലൂചിസ്ഥാൻ പ്രവിശ്യയിലാണ് സംഭവം. ജഫാർ എക്സ്പ്രസ് ട്രെയിൻ തകർക്കാന്‍ അ‍ജ്ഞാതര്‍ റെയില്‍വേ ട്രാക്കില്‍ സ്ഫോടക വസ്തുക്കൾ സ്ഥാപിക്കുകയായിരുന്നു.
റാവൽപിണ്ടിയിൽ നിന്ന് ക്വിറ്റയിലേക്ക് പോയ ട്രെയിൻ ദെറ മുറാദ് ജമാലി പ്രദേശത്തുകൂടി കടന്നു പോകവെയാണ് സ്ഫോടനം നടന്നത്. ആക്രമണത്തെ തുടര്‍ന്ന് മൂന്ന് പേർ തൽക്ഷണം കൊല്ലപ്പെട്ടു. സംഭവത്തില്‍ ആറുപേർക്ക് ഗുരുതരമായി പരിക്കേറ്റിട്ടുണ്ട്. ഇവരെ ഉടൻതന്നെ ആശുപത്രിയിൽ പ്രവേശിപ്പിച്ചു. പോലീസും സുരക്ഷാ ഉദ്യോഗസ്ഥരും സംഭവ സ്ഥലം പരിശോധിച്ച് അന്വേഷണം ആരംഭിച്ചു.
Post Your Comments