കേരളത്തില്‍ കോണ്‍ഗ്രസിനെ പിന്തുണക്കാത്ത സിപിഎമ്മിന്റെ പിന്തുണ കേന്ദ്രത്തിലെത്തിയ ശേഷം വേണ്ടെന്ന് രമേശ് ചെന്നിത്തല

പാലക്കാട്: കേരളത്തില്‍ കോണ്‍ഗ്രസിനെ പിന്തുണക്കാത്ത സിപിഎമ്മിന്റെ പിന്തുണ കേന്ദ്രത്തിലെത്തിയ ശേഷവും വേണ്ടെന്ന് വ്യക്തമാക്കി പ്രതിപക്ഷ നേതാവ് രമേശ് ചെന്നിത്തല. പാലക്കാട് ഡി.സി.സി പ്രസിഡന്റ് വി.കെ ശ്രീകണ്ഠന്‍ നയിക്കുന്ന ജാഥക്ക് കല്ലടിക്കോട് നല്‍കിയ സ്വീകരണത്തില്‍ സംസാരിക്കുമ്പോഴാണ് അദ്ദേഹം ഇക്കാര്യം വ്യക്തമാക്കിയത്. കോണ്‍ഗ്രസിന്റെ സഹായമില്ലാതെ ബംഗാളില്‍ സിപിഎമ്മിന് നാമനിര്‍ദ്ദേശ പത്രിക പോലും നല്‍കാന്‍ കഴിയില്ല. ബംഗാളില്‍ സിപിഎമ്മിന് ഒരു സീറ്റ് പോലും ലഭിക്കില്ല. കോണ്‍ഗ്രസ് സഹയത്തോട് കൂടി മാത്രമെ സി.പി.എം സ്ഥാനാർത്ഥികള്‍ക്ക് നാമനിര്‍ദേശ പത്രിക സമര്‍പ്പിക്കാന്‍ കഴിയുവെന്നും ചെന്നിത്തല കൂട്ടിച്ചേർത്തു.