ഗൂഡല്ലൂര്‍: കാട്ടാന തൊഴിലാളിയെ കുത്തിക്കൊന്നു. ഒവാലി പഞ്ചയത്തിലെ എല്ലമലയില്‍ വെള്ളിയാഴ്ചയാണ് സംഭവം. തങ്കരാജിന്റെ മകന്‍ പ്രേംകുമാറി (32) നെയാണ് കാട്ടാന കുത്തിക്കൊന്നത്. വ്യാഴാഴ്ച വൈകുന്നേര മുതല്‍ പ്രദേശത്ത് രണ്ട് കാട്ടാനകളെ പ്രദേശവാസികള്‍ കണ്ടിരുന്നു. വെളളിയാഴ്ച്ച രാവിലെ തേയിലത്തോട്ടത്തിലെത്തിയ യുവാവിനെ കാട്ടാന ആക്രമിച്ച് കൊലപ്പെടുത്തുകയായിരുന്നു. കാട്ടാന പരിസരത്ത് നിന്ന് മറാത്തത് കൊണ്ട് മൃതദേഹം സംഭവസ്ഥലത്ത് നിന്നും മാറ്റാന്‍ സാധിച്ചിട്ടില്ലെന്നാണ് റിപ്പോര്‍ട്ട്. പോലീസും വനപാലകരും സ്ഥലത്തെത്തിയിട്ടുണ്ട്.
Post Your Comments