എയർ ഇന്ത്യയുടെ റിയാദ്-കൊച്ചി വിമാനം സർവ്വീസ് യന്ത്രത്തകരാർ മൂലം വൈകി

റിയാദ്​: എയർ ഇന്ത്യയുടെ റിയാദ്-കൊച്ചി വിമാനം സർവ്വീസ് യന്ത്രത്തകരാർ മൂലം വൈകി . യന്ത്രതകരാർ മൂലം റിയാദിൽ നിന്നുള്ള എയർ ഇന്ത്യ കൊച്ചി വിമാനം മൂന്നുമണിക്കൂറാണ് വൈകിയത്. ഞായറാഴ്​ച ഉച്ചകഴിഞ്ഞ്​ 3.50ന്​ പുറപ്പെടേണ്ടിയിരുന്ന എ.ഐ 924 വിമാനമാണ്​ വൈകീട്ട്​ 7.30ന് പറന്നത്​.

ഈ വിമാനത്തിൽ പോകാൻ ഉച്ചക്ക്​ മുമ്പ്​ തന്നെ റിയാദ്​ കിങ്​ ഖാലിദ്​ വിമാനത്താവളത്തിൽ എത്തിയ 142 യാത്രക്കാർക്കും ഉച്ചഭക്ഷണമടക്കമുള്ള എല്ലാ സൗകര്യങ്ങളും എയർ ഇന്ത്യ റിയാദ്​ അധികൃതർ ഒരുക്കിനൽകുകയായിരുന്നു. നേരിട്ട്​ കൊച്ചിയിലേക്കുള്ള വിമാനത്തിൽ പോകാനായി നിരവധി കുടുംബങ്ങളും യാത്രക്കാരുടെ കൂട്ടത്തിലെത്തിയിരുന്നു. 142 പേർക്കും ഭക്ഷണമടക്കമുള്ള സൗകര്യങ്ങൾ ഒരുക്കിയാണ് അധികൃതർ മാതൃകയായത്.

എയർപോർട്ടിലെത്തി ബോർഡിങ്​ പാസ്​ കിട്ടിയ ശേഷമാണ്​ വിമാനം വൈകുമെന്ന വിവരം യാത്രക്കാർ അറിഞ്ഞത്​. യന്ത്രതകരാറാണ്​ വൈകാൻ കാരണമെന്ന്​ എയർ ഇന്ത്യ റിയാദ്​ എയർപോർട്ട്​ ഡ്യൂട്ടി മാനേജർ സിറാജുദ്ദീൻ പരപ്പനങ്ങാടിവ്യക്തമാക്കി.