നിലമ്പൂര്‍: മലപ്പുറത്ത് സ്കൂള് വിദ്യാര്‍ത്ഥികള്‍ക്ക് തേനീച്ച കുത്തേറ്റു. മലപ്പുറം കരുളാളിയിലാണ് സ്കൂള് വിദ്യാര്‍ത്ഥികളെ തേനീച്ച കൂട്ടം ആക്രമിച്ചത്. പതിനെട്ട് കുട്ടികള്‍ക്കാണ് ആക്രമണത്തില്‍ പരിക്കേറ്റത്. ഇവരെ നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിച്ചു.
സ്‌കൂളില്‍ തന്നെ കൂടുകൂട്ടിയിരുന്ന തേനീച്ചകള്‍ വിദ്യാര്‍ത്ഥികളെ ആക്രമിക്കുകയായിരുന്നുവെന്നാണ് നിഗമനം. അതേസമയം വിദ്യാര്‍ത്ഥികളില്‍ നിന്ന് പ്രകേപനപരമായ എന്തെങ്കിലും ആക്രമണം തേനീച്ച കൂടിനു നേരെ ഉണ്ടായോ എന്നത് വ്യക്തമല്ല. കുട്ടികളുടെ പരിക്കിനെ കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.
Post Your Comments