കോട്ടയം : കാര്‍ നിയന്ത്രണം വിട്ട് മറിഞ്ഞ് മൂന്ന് പേര്‍ക്ക് പരിക്കേറ്റു. മുന്നില്‍ പോയ ബൈക്കില്‍ ഇടിക്കാതിരിക്കാന്‍ വെട്ടിച്ച കാര്‍ നിയന്ത്രണം വിട്ട് തലകീഴായി മറിയുകയായിരുന്നു. സംഭവത്തില്‍ പിഞ്ചുകുഞ്ഞടക്കം മൂന്നുപേര്‍ക്ക് പരിക്കേറ്റു. ഗതാഗതത്തിന് തടസ്സമായി റോഡില്‍ കിടന്ന കാര്‍ കോട്ടയത്തുനിന്നുള്ള അഗ്‌നിരക്ഷാസേന എത്തി മാറ്റി.േ
കാട്ടയം മെഡിക്കല്‍ കോളേജ് ബയോകെമിസ്ട്രി വിഭാഗം ഡോ. ജിന്‍ജോയും കുടുംബവും സഞ്ചരിച്ചിരുന്ന കാറാണ് അപകടത്തില്‍പ്പെട്ടത്. കാറിലുണ്ടായിരുന്ന ഡോക്ടറുടെ കുട്ടിക്കും രണ്ട് ബൈക്ക് യാത്രക്കാര്‍ക്കുമാണ് പരിക്കേറ്റത്. കുട്ടിയെ ഉടന്‍തന്നെ കുട്ടികളുടെ ആശുപത്രിയില്‍ പ്രവേശിപ്പിച്ച് പ്രഥമപരിശോധനകള്‍ നല്‍കി വിട്ടയച്ചു.മറിയുന്നതിനിടയില്‍ പിന്നിലുണ്ടായിരുന്ന മറ്റൊരു കാറിലും രണ്ട് ബൈക്കുകളിലും കാര്‍ ഇടിച്ചിരുന്നു. ഈ ബൈക്കുകളിലെ യാത്രക്കാര്‍ക്കാണ് പരിക്കേറ്റത്. ഇവരെ ഉടന്‍തന്നെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. ഗാന്ധിനഗര്‍ പോലീസ് മേല്‍നടപടികള്‍ സ്വീകരിച്ചു.
Post Your Comments