ജോസഫ് എന്ന സിനിമ കണ്ടവരാരും ജോജു ജോര്‍ജിനെ മറക്കില്ല. സമൂഹത്തില്‍ ഇന്ന് സംഭവിക്കുന്ന പ്രശ്‌നങ്ങള്‍ വളരെ കൃത്യമായി എടുത്തുകാട്ടി പ്രേഷകനെ ആകാംഷയുടെ മുള്‍മുനയില്‍ നിര്‍ത്തിയ ചിത്രമാണ് ജോസഫ്. ഇപ്പോള്‍ സംസ്ഥാന സര്‍ക്കാര്‍ സിനിമാ പുരസ്‌കാരങ്ങളിലെ മികച്ച സ്വഭാവ നടനുള്ള ബഹുമതി നേടിയിരിക്കുകയാണ് ജോജു ജോര്‍ജ്ജ്. ജോസഫിനെക്കുറിച്ച് ജോജു പറയുന്നു.
അവാര്‍ഡ് മാത്രമല്ല സിനിമയില്‍ ഭാഗ്യം കൊണ്ടു വന്നതും ജോസഫ് എന്ന ചിത്രമാണ്. കൈയിലുള്ള പണമെല്ലാം ചെലവഴിച്ച് ജോസഫ് എന്ന ചിത്രം നിര്‍മ്മിച്ചപ്പോള്‍ ഒന്നും തിരിഞ്ഞു ചിന്തിച്ചില്ലെന്നും എന്നാല്‍ ചിത്രം പരാജയമായിരുന്നെങ്കില്‍ തനിക്ക് എല്ലാം നഷ്ടമാകുമായിരുന്നുവെന്നും ജോജു കൂട്ടിച്ചേര്‍ത്തു. ജോസഫ് അഭിനയിക്കുന്ന കാലമായിരുന്നു അത്. സിനിമയുടെ നിര്‍മ്മാണം പാതി വഴിയില്‍ നിലച്ചു പോകുമായിരുന്നു. ആരും ഏറ്റെടുക്കാനില്ലാതായതോടെ ഞാന്‍ ഏറ്റെടുത്തു. എല്ലാം പണയം വെച്ചാണ് അതു റിലീസ് ചെയ്തത്. ആ സിനിമ വിജയിച്ചില്ലായിരുന്നുവെങ്കില്‍ എല്ലാം നഷ്ടപ്പെടുമായിരുന്നു’ അവാര്‍ഡ് നേട്ടത്തിന്റെ സന്തോഷത്തില്‍ ജോജു പറഞ്ഞു. ജോസഫ് എന്ന പേര് ജോജുവിന്റെ ഭാഗ്യം കൂടിയാണ്. പള്ളിയില്‍ ഇട്ട പേര് ജോസഫ് എന്നായിരുന്നു. ഇന്നും ഒപ്പിടുന്നതു മലയാളത്തില്‍ ജോസഫ് എന്നെഴുതിയാണ്. രേഖകളിലെല്ലാം പിന്നീടു ജോജു ജോര്‍ജായി.
Post Your Comments