കൊല്‍ക്കത്ത: കൊല്‍ക്കത്തയില്‍ രണ്ട് തീവ്രവാദികള്‍ പിടിയില്‍. ഇവര്‍ ജമാ അത്ത് ഉല്‍ മുജാഹിദീന്‍ ബംഗ്ലാദേശ് സംഘടനയിലുള്ളവരാണെന്നാണ് വിവരം. ഇവരില്‍ നിന്നും സ്‌ഫോടക വസ്തുക്കള്‍ പിടിച്ചെടുത്തു.
അതേസമയം കുറച്ചു ദിവസം മുമ്പ് ഉത്തര്‍ പ്രദേശില്‍ നിന്ന് രണ്ട് ജെയ്ഷെ മുഹമ്മദ് ഭീകരരെ അറസ്റ്റ് ചെയ്തിരുന്നു. പുല്‍വാമ സ്വദേശിയായ അക്വിബ് അഹമ്മദ് മാലിക്, കുല്‍ഗാം സ്വദേശിയായ ഷാഹവാസ് അഹമ്മദ് എന്നിവരാണ് അറസ്റ്റിലായത്. ഷഹരാന്‍പൂര്‍ ജില്ലയിലെ ദിയോബന്ദില്‍ വെച്ചാണ് തീവ്രവാദ വിരുദ്ധ സേന ഇവരെ അറസ്റ്റ് ചെയ്തത്. ജെയ്ഷെ മുഹമ്മദിലേക്ക് ആളുകളെ റിക്രൂട്ട് ചെയ്യുന്നവരാണ് ഇവരെന്നാണ് ഉത്തര്‍ പ്രദേശ് പോലീസ് മേധാവി ഒപി സിംഗ് വ്യക്തമാക്കിയത്.
Post Your Comments