ആലപ്പുഴ•ഒരു രാഷ്ട്രത്തിന്റെ പുരോഗതിയ്ക്കായ് എന്ത് ചെയ്യണമെന്നും അത് എങ്ങനെ നടപ്പിലാക്കണമെന്നും മനസ്സിലാക്കുവാൻ ലോകം മാതൃകയാക്കുന്നത്‌ നരേന്ദ്ര മോദിയെ ആണെന്നും ബി.ജെ.പി. ദക്ഷിണ മേഖലാ അദ്ധ്യക്ഷൻ വെളിയാകുളം പരമേശ്വരൻ. ഭാരതത്തിലെ വനിതകൾക്കും പാവപ്പെട്ടവർക്കും വേണ്ടി നിരവധി പദ്ധതികൾ നടപ്പിലാക്കിയ സർക്കാരാണ് നരേന്ദ്ര മോഡി സർക്കാർ ,പദ്ധതികൾ പ്രഖ്യാപിക്കുകയല്ല അത് പൂർത്തീകരിക്കുക എന്നതാണ് നരേന്ദ്രമോദി സർക്കാരിനെ മറ്റുള്ളവരിൽ നിന്നും വ്യത്യസ്തമാക്കുന്നത്.
ഇരുട്ടിന്റെ മറവിൽ ഒളിയാക്രമണം നടത്തിയ ശത്രുവിനെ മുൻകൂട്ടി പറഞ്ഞുകൊണ്ട് ശത്രുവിന്റെ മടയിൽ കേറി ഇല്ലാതാക്കി നമ്മുടെ നാടിൻറെ യെശസ്സ് ഉയർത്തിപ്പിടിച്ച ഈ ദിനം ആത്മാഭിമാനമുള്ള ഭാരതീയന് ഏറെ സന്തോഷമുള്ള ദിവസമാണ്. അതിന് കാരണക്കാരനായ നരേന്ദ്രമോദിയെ തങ്ങളുടെ ബൂത്തുകളിൽ ഒന്നാം സ്ഥാനത്ത് എത്തിക്കുക എന്നതാണ് ഈ ദിനത്തിൽ എല്ലാ ഭാരതീയരും എടുക്കേണ്ട പ്രതിജ്ഞ. അദ്ദേഹം പറഞ്ഞു. കമൽ ജ്യോതി പ്രതിഞ്ജാ ദിനം ആലപ്പുഴ നിയോജക മണ്ഡലത്തിൽ ഉത്‌ഘാടനം ചെയ്തു സംസാരിക്കുകയായിരുന്നു അദ്ദേഹം.
മഹിളാ മോർച്ച മണ്ഡലം സെക്രട്ടറിയും പ്രഭാരിയുമായ അശ്വതി അദ്ധ്യക്ഷത വഹിച്ചു.
ബി.ജെ.പി. ആലപ്പുഴ നിയോജക മണ്ഡലം പ്രസിഡണ്ട് ജി വിനോദ് കുമാർ മുഖ്യപ്രഭാഷണം നടത്തി.
മണ്ഡലം കമ്മറ്റി അംഗവും പ്രഭാരിയുമായ പി. കണ്ണൻ, ഏരിയ ഭാരവാഹി അനിൽ കുമാർ, ഏറിയ സെക്രട്ടറി സനൽ കുമാർ, മറ്റു ഭാരവാഹികളായ ജയമോൾ പോൾ ഏലിയാസ്,ഷാജി, സുധീർ എന്നിവർ സംസാരിച്ചു.
Post Your Comments