കേരള ജനതയുടെ ഒത്തോരുമയെ ആഘോഷിക്കാന്‍ കാലിക്കറ്റ്  ഹാഫ് മാരത്തോണ്‍ 

പ്രളയ ദുരിതത്തെയും നിപ്പ ബാധയെയും അതിജീവിച്ച കേരള ജനതയുടെ ഒത്തോരുമയെ ആഘോഷിക്കുന്നതിനായി ഇന്ത്യന്‍ ഇന്‍സ്റ്റിട്യൂട്ട് ഓഫ് മാനേജ്മെന്റ് കോഴിക്കോടിന്റെ നേതൃത്വത്തില്‍ ഹാഫ് മാരത്തോണ്‍ അരങ്ങേറുന്നു. ഈ മാസം 24 നാണ് കേരളത്തിന്റെ ഒരുമയെന്ന സന്ദേശവുമായി പത്താമത് കാലിക്കറ്റ് ഹാഫ് മാരത്തോണ്‍ നടക്കുന്നത്.

കാലിക്കറ്റ് മരത്തോണിനോടനുബന്ധിച്ച് കോഴിക്കോടിനെയറിയാന്‍ മോണിങ് വാക്ക്, ഫ്‌ലാഷ് മോബും സൈക്കിള്‍ റാലിയും റോഡ് സുരക്ഷാ ക്യാമ്പയിന്‍ തുടങ്ങിയവയും ഒരുക്കിയിരുന്നു. 21 കിലോമീറ്റര്‍ 10 കിലോമീറ്റര്‍ 3 കിലോമീറ്റര്‍ എന്നിങ്ങനെയാണ് മരത്തോണിന്റെ മത്സരവിഭാഗങ്ങള്‍ ഒരുക്കിയിരിക്കുന്നത്. കോഴിക്കോട് ബീച്ചില്‍ പുലര്‍ച്ചെ അഞ്ചരയ്ക്ക് ആരംഭിക്കുന്ന മാരത്തോണ്‍ നഗരത്തിന്റെ പ്രധാന ഭാഗങ്ങളില്‍ കൂടെ കടന്നു പോകും. മാരത്തോണിന്റെ സമ്മാനത്തുക നാലര ലക്ഷമാണ്.

താഴെ കാണുന്ന ലിങ്കില്‍ മരത്തോണിനായി രജിസ്റ്റര്‍ ചെയ്യാം.

http://www.calicutmarathon.in/