പുൽവാമയിൽ വീണ്ടും ഏറ്റുമുട്ടൽ ; നാലു സൈനികർ മരിച്ചു

പുൽവാമ : പുൽവാമയിൽ ഭീകരരുമായുള്ള ഏറ്റുമുട്ടലിൽ നാലു സൈനികർ മരിച്ചു. കൊല്ലപ്പെട്ടവരിൽ ഒരു മേജറും ഉൾപ്പെടുന്നു. ഒരു സൈനികന് പരിക്കേറ്റു.ഇന്നലെ രാത്രിയിൽ തുടങ്ങിയ ഏറ്റുമുട്ടൽ ഇപ്പോഴും തുടരുകയാണ്. വീരമൃത്യു വരിച്ച സൈനികരുടെ പേരുവിവരങ്ങൾ ലഭ്യമായിട്ടില്ല.

ആക്രമണത്തെ തുടർന്ന് പ്രദേശം സൈന്യം വളഞ്ഞിരുന്നു. ഒളിഞ്ഞിരുന്ന ജെയ്ഷെ മുഹമ്മദ് ഭീകരർ സൈന്യത്തിന് നേരെ നിറയൊഴിക്കുകയായിരുന്നു.മൂന്ന് ഭീകരര്‍ പ്രദേശത്ത് ഒളിച്ചിരിക്കുന്നതായുള്ള രഹസ്യ വിവരത്തെത്തുടര്‍ന്ന് സേന പ്രദേശത്ത് തിരച്ചില്‍ നടത്തിയിരുന്നു. തുടര്‍ന്നാണ് ഏറ്റുമുട്ടല്‍ ആരംഭിച്ചത്. പ്രദേശത്ത് കൂടുതല്‍ സൈന്യത്തെ വിന്യസിക്കുന്നു.

ആക്രമണത്തിന് ശേഷവും ബസുകൾക്ക് നേരെ വെടിവെയ്പ്പ് ഉണ്ടായിരുന്നതിനാൽ തന്നെ പുറത്തു നിന്ന് സഹായം ലഭിച്ചിരുന്നെന്ന സംശയം ആർമിക്ക് ഉണ്ടായിരുന്നു.