പത്തനംതിട്ട : ആദിവാസി പെൺകുട്ടികളെ പീഡിപ്പിച്ച കേസിൽ മൂന്ന് പേർ പിടിയിലായി. വെച്ചൂച്ചിറ സ്വദേശികളായ രജീഷ്,റോഷൻ ,ജോബിൻ എന്നിവരാണ് പിടിയിലായത്. പെൺകുട്ടികൾ ഒന്നിലധികം തവണ പീഡനത്തിന് ഇരയായെന്ന് പോലീസ് വ്യക്തമാക്കി. ഒന്നാംപ്രതി ലാൽരാജിന് ഇതുവരെ പോലീസിന് പിടികൂടാൻ കഴിഞ്ഞിട്ടില്ല.
ഒരു കുട്ടി സ്കൂളിൽ വരാതിരുന്നതിനെ തുടര്‍ന്ന് അദ്ധ്യാപകര്‍ നടത്തിയ അന്വേഷണത്തിനിടെയാണ് പീഡന വിവരം പുറത്തറിയുന്നത്. തുടര്‍ന്ന് സ്കൂൾ അധികൃതര്‍ ചൈൽഡ് ലൈൻ പ്രവര്‍ത്തകരെ വിവരം അറിയിച്ചു. ഇതിൽ ഒരു കുട്ടിയുമായി ഓട്ടോ ഡ്രൈവര്‍ ഉണ്ടാക്കിയ സൗഹൃദം മുതലെടുത്താണ് മറ്റ് പെൺകുട്ടികളെ വശത്താക്കുന്നതും പീഡനത്തിന് ഇരയാക്കുന്നതും എന്നാണ് പോലീസിന്‍റെ കണ്ടെത്തൽ.
Post Your Comments