ഹാപ്പി വെഡിംഗ് , ചങ്ക്‌സ് എന്നീ ചിത്രങ്ങളുടെ വന്‍ വിജയത്തിന് ശേഷം ഒമര്‍ ലുലു സംവിധാനം ചെയ്യുന്ന മൂന്നാമത്തെ ചിത്രം ഒരു അഡാര്‍ ലവ് തിയേറ്ററുകളിലെത്തി. ചിത്രത്തിന്റെ ജിസിസി തീയറ്റര്‍ ലിസ്റ്റ് അണിയറപ്രവര്‍ത്തകര്‍ പുറത്തുവിട്ടു. കേരളത്തില്‍ 155 തീയറ്ററുകളിലാണ് ചിത്രം പ്രദര്‍ശനത്തിന് എത്തിക്കുന്നത്. ലോകമെമ്പാടും 2000 തീയറ്ററുകളിലാണ് ചിത്രം റിലീസ് ചെയ്യുന്നത്.
വാലന്റൈന്‍ വാരത്തില്‍ എത്തുന്ന ആദ്യ ചിത്രമാണ് ഒരു അഡാര്‍ ലവ്. വിനീത് ശ്രീനിവാസന്‍ – ഷാന്‍ റഹ്മാന്‍ കൂട്ടുകെട്ടില്‍ മാണിക്യ മലരായ പൂവി എന്ന ഒരൊറ്റ ഗാനം കൊണ്ട് ശ്രദ്ധേയമായ ചിത്രത്തിന്റെ പ്രമേയം പ്ലസ്ടു വിദ്യാര്‍ഥികളുടെ പ്രണയവും സൗഹൃദവും ആണ്. ചിത്രം തമിഴിലും, തെലുങ്കിലും, കന്നടയിലും ഇന്ന് റിലീസ് ചെയ്യും. നൂറിന്‍ ഷെറീഫ് , പ്രിയ പ്രകാശ് വാര്യര്‍ , വൈശാഖ് പവനന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ ഒമര്‍ ലുലുവും, സംഭാഷണം സാരംഗ് ജയപ്രകാശും , ലിജോ പനാടനും , സംഗീതം ഷാന്‍ റഹ്മാനും ആണ്. നിരവധി വിമര്‍ശനങ്ങള്‍ക്കിരയായ അഡാര്‍ ലവ്
നല്ല പ്രണയദിന സമ്മാനമാകുമെന്ന് പ്രതീക്ഷിക്കാം.
Post Your Comments