ഓസ്ട്രേലിയയെ ട്രോളി സ്റ്റാര്‍ സ്‌പോട്ട്‌സ് പുറത്ത് വിട്ട പരസ്യത്തിനെതിരെ വിമർശനവുമായി മുന്‍ ഓസ്ട്രേലിയന്‍ ഓപ്പണര്‍ മാത്യു ഹെയ്ഡന്‍ രംഗത്ത്. ഓസ്ട്രേലിയയുടെ ലിമിറ്റഡ് ഓവര്‍ പര്യടനത്തിന് മുന്‍പായി സ്റ്റാര്‍ സ്‌പോര്‍ട്‌സ് തയ്യാറാക്കിയ പരസ്യത്തില്‍ ഇന്ത്യൻ താരം വീരേന്ദ്രർ സെവാഗും പ്രത്യക്ഷപ്പെടുന്നുണ്ട്. ഓസ്ട്രേലിയന്‍ ജേഴ്‌സിയണിഞ്ഞ കുട്ടികളെ നോക്കുന്ന ബേബി സിറ്ററായാണ് സെവാഗ് ഇതിലെത്തുന്നത്. ‘ ഞങ്ങള്‍ ഓസ്ട്രേലിയയിലേക്ക് പോയപ്പോള്‍ കുട്ടികളെ നോക്കാമോയെന്ന് അവര്‍ ചോദിച്ചു. ഞങ്ങള്‍ അവരോട് പറഞ്ഞു ഇങ്ങോട്ട് വരൂ ഞങ്ങള്‍ നോക്കാം’ എന്നാണ് പരസ്യത്തിൽ സെവാഗ് പറയുന്നത്. പോസ്റ്റ് ഷെയര്‍ ചെയ്തുകൊണ്ട് സെവാഗിനെയും സ്റ്റാര്‍ സ്‌പോര്‍ട്‌സിനെയും മെന്‍ഷന്‍ ചെയ്ത ഹെയ്ഡന്‍ ഓസ്ട്രേലിയന്‍ ടീമിനെ ഒരിക്കലും തമാശയായി കാണരുതെന്നും നിലവില്‍ ആരാണ് ലോകകപ്പിനെ ബേബി സിറ്റ് ചെയ്യുന്നതെന്നോര്‍ക്കുന്നത് നല്ലതാണെന്നും ഹെയ്ഡന്‍ വിമർശിക്കുകയുണ്ടായി.
Post Your Comments