അടൂർ : വിദേശ മദ്യവുമായി ഓട്ടോ ഡ്രൈവർ പിടിയിൽ. തട്ട മാമ്മൂട് വാഴക്കൂട്ടത്തിൽ സോളമനാണ്(45) അറസ്റ്റിലായത്. അനധികൃതമായി ഓട്ടോയിൽ കടത്തി കൊണ്ടു വന്ന 19 ലിറ്റർ വിദേശ മദ്യം അടൂർ എക്സൈസ് സർക്കിൾ ഓഫിസിലെ ഉദ്യോഗസ്ഥരാണ് പിടികൂടിയത്.
ഇന്നലെ വൈകിട്ട് 3ന് ആനന്ദപ്പള്ളി–മാമ്മൂട് റോഡിൽ വച്ച് അടൂർ ബവ്റിജസ് കോർപ്പറേഷന്റെ ചില്ലറ വിൽപന ശാലയിൽ നിന്ന് വാങ്ങി കൊണ്ടു വരുമ്പോഴാണ് പിടികൂടിയത്. ഓട്ടോറിക്ഷയും കസ്റ്റഡിയിൽ എടുത്തു. ഇയാൾ സ്ഥിരമായി മദ്യം വാങ്ങി മാമ്മൂട് ഭാഗങ്ങളിൽ അനധികൃതമായി വിൽപ്പന നടത്താറുണ്ടെന്ന് എക്സൈസ് സംഘം വ്യക്തമാക്കി. സംഭവത്തിൽ കൂടുതൽ ആളുകൾ ബന്ധപ്പെട്ടിട്ടുണ്ടേയെന്ന് ഉദ്യോഗസ്ഥർ അന്വേഷിക്കും.
Post Your Comments