കണ്ണൂര്‍: പ്രായത്തിന്റെ പേരിൽ ദമ്പതികളെ സോഷ്യൽ മീഡിയയിലൂടെ അപകീർത്തിപ്പെടുത്തിയ സംഭവത്തിൽ അഞ്ചുപേര്‍ അറസ്റ്റില്‍. വിവിധ വാട്സ്‌ആപ്പ് ഗ്രൂപ്പ് അഡ്മിന്‍മാരായ അഞ്ചുപേരെയാണ് അറസ്റ്റ് ചെയ്തത്. ശ്രീകണ്ഠാപുരം പോലീസ് അറസ്റ്റ് ചെയ്ത ഇവരെ പിന്നീട് ജാമ്യത്തില്‍ വിട്ടു.
കണ്ണൂര്‍ ചെറുപുഴ സ്വദേശികളായ അനൂപ് ജോസഫിന്റേയും ജൂബി ജോസഫിന്റേയും വിവാഹചിത്രമാണ് സോഷ്യൽ മീഡിയവഴി വ്യാപകമായി പ്രചരിപ്പിക്കപ്പെട്ടത്. വധുവിന് വരനേക്കാള്‍ പ്രായക്കൂടുതലാണെന്നും സ്ത്രീധനം മോഹിച്ച്‌ വരന്‍ വിവാഹം കഴിച്ചതാണെന്നും ആയിരുന്നു ദുഷ്പ്രചാരണം.
സംഭവത്തിൽ ഇരുവരും പോലീസിൽ പരാതി നൽകിയിരുന്നു. പഞ്ചാബില്‍ എയര്‍പോര്‍ട്ട് ജീവനക്കാരനാണ് അനൂപ്. ജൂബി ഷാര്‍ജയില്‍ സ്വകാര്യ കന്പനി ജീവനക്കാരിയും. അടുത്തിടെയായിരുന്നു ഇവരുടെ വിവാഹം. അനൂപിന് 29 വയസും ജൂബിക്ക് 27 വയസുമാണ് പ്രായം.
Post Your Comments