പൃഥ്വിരാജ് നായകനും നിര്‍മാതാവുമായി എത്തിയ നയന്‍ ചിത്രം കഴിഞ്ഞ ദിവസമാണ് തിയേറ്ററുകളിലെത്തിയത്. ജെനൂസ് മുഹമ്മദ് സംവിധാനം ചെയ്ത ചിത്രം കണ്ട ഒരു ആരാധകന്റെ ട്വീറ്റും അതിന് പൃഥ്വി നല്‍കിയ മറുപടിയും വൈറലാകുന്നു. ചിത്രം കണ്ട് കിളി പോയിയെന്നാണ് ഒരു ആരാധകന് പറഞ്ഞത്. ചിത്രം ഒന്ന് കൂടി കണ്ടാല്‍ മതി, അപ്പോള്‍ പോയ കിളി തിരിച്ചു വന്നോളും എന്നായിരുന്നു പൃഥ്വിയുടെ കിടിലന്‍ മറുപടി. താന്‍ ചിത്രം കണ്ടെന്നും കണ്ട് കഴിഞ്ഞപ്പോള്‍ ആകെ മൊത്തെ കണ്‍ഫ്യൂഷനായെന്നും ക്ലൈമാക്സ് ഒന്ന് വിശദീകരിച്ച് തരാമോയെന്നുമാണ് ആരാധകന് പൃഥ്വിയോട് ട്വിറ്ററിലൂടെ ചോദിച്ചത്. അതേസമയം ചിത്രം കണ്ടതിന് ആരാധകന് പൃഥ്വി നന്ദിയും പറഞ്ഞിട്ടുണ്ട്. പൃഥ്വിരാജും സുപ്രിയയും ചേര്‍ന്ന് നിര്‍മ്മിക്കുന്ന ആദ്യ ചിത്രമാണ് നയന്‍. സോണി പിക്‌ചേഴ്‌സ് ആണ് മറ്റൊരു നിര്‍മ്മാതാവ്.
Post Your Comments