യശ്വന്ത്പൂര്‍- കണ്ണൂര്‍ എക്‌സ്പ്രസ് ഇന്ന് മുതല്‍ ബാനസവാഡിയില്‍ നിന്ന്

ബെംഗളൂരു: യാത്രക്കാരുടെ പ്രതിഷേധങ്ങള്‍ക്കിടെ യശ്വന്തപുര-കണ്ണൂര്‍ എക്‌സ്പ്രസ് ഇന്നുമുതല്‍ ബാനസവാടിയില്‍നിന്ന് പുറപ്പെടും. 16527-ാം നമ്പര്‍ തീവണ്ടി ഇന്ന് മുതല്‍ ബാനസവാടിയില്‍നിന്ന് പുറപ്പെടും. ബാനസവാടിയില്‍നിന്ന് രാത്രി 8.25-ന് പുറപ്പെട്ട് പിറ്റേദിവസം രാവിലെ 9.50-ന് കണ്ണൂരിലെത്തും. തിരിച്ച് 16528-ാം നമ്പര്‍ തീവണ്ടി വൈകീട്ട് 6.05-ന് കണ്ണൂരില്‍നിന്ന് പുറപ്പെട്ട് രാവിലെ 6.50-ന് ബാനസവാടിയില്‍ എത്തിച്ചേരും.

ഈ തീവണ്ടി യശ്വന്ത്പൂരിലേക്ക് മാറ്റരുത് എന്നാവശ്യപ്പെട്ട് കര്‍ണാടക കേരള ട്രാവലേഴ്‌സ് ഫോറം (കെ കെ ടി എഫ്) ഭാരവാഹികള്‍ റെയില്‍വേ അധികൃതരുമായി ചര്‍ച്ച നടത്തിയിരുന്നു ,പക്ഷേ അത് ഫലം കണ്ടില്ല.