ഹാമിള്‍ട്ടണ്‍: വിരാട് കോഹ്‌ലിയുടെ അഭാവത്തിൽ ന്യൂസീലൻഡിനെതിരെ ഇന്ത്യൻ ടീമിനെ നയിച്ച രോഹിത് ശർമ്മയ്ക്ക് ലഭിച്ചത് തിരിച്ചടിയാണ്. ഏകദിന പരമ്പര സ്വന്തമാക്കിയതിന്റെ ആത്മവിശ്വാസത്തില്‍ ഇറങ്ങിയ ഇന്ത്യയെ നാലാം ഏകദിനത്തില്‍ 8 വിക്കറ്റിന് കിവികള്‍ പരാജയപ്പെടുത്തുകയായിരുന്നു. ടീമിന്റെ ഏറ്റവും മോശം ബാറ്റിങ് പ്രകടനങ്ങളിലൊന്നാണ് ഇതെന്നാണ് രോഹിത് ശർമ്മ വ്യക്തമാക്കിയത്. സമീപകാലത്തെ ഏറ്റവും മോശം ബാറ്റിങ് പ്രകടനം. ഞങ്ങള്‍ ഒരിക്കലും പ്രതീക്ഷിക്കാത്തത്. ഗംഭീര പ്രകടനം കാഴ്ച വച്ച ന്യൂസിലന്‍ഡ് ബോളര്‍മാരെ അഭിനന്ദിക്കണം. അവരില്‍ നിന്നും നമ്മള്‍ക്ക് പഠിക്കാനുണ്ട്. മോശം ഷോട്ടുകളും സമ്മര്‍ദ്ദത്തെ അതിജീവിക്കാന്‍ കഴിയാതെ വന്നതുമാണ് ബാറ്റ്‌സ്മാന്മാര്‍ക്ക് വിനയായത്. പന്ത് സ്വിങ് ചെയ്യുന്ന സാഹചര്യങ്ങളുണ്ടാകും, അത്തരം സാഹചര്യങ്ങളില്‍ സ്വയം പരിഹരിച്ച്‌ കളിക്കണമെന്നും രോഹിത് ശർമ്മ കൂട്ടിച്ചേർത്തു.
Post Your Comments