മൂവാറ്റുപുഴയില്‍ ഓടിക്കൊണ്ടിരുന്ന ആക്ടീവ കത്തിനശിച്ചു മൂവാറ്റുപുഴയ്ക്കടുത്ത് ഓടിക്കൊണ്ടിരുന്ന ആക്ടീവക്ക് തീ പിടിച്ചു. പോത്താനിക്കാട് സെന്റ് സേവ്യേഴ്‌സ് സ്‌കൂളിന്റെ പരിസരത്തായിരുന്നു സംഭവം. ജോലിക്കായി മൂവാറ്റുപുഴയിലേക്ക് പോയ എല്‍ദോസ് ജോസിന്റെ സ്‌കൂട്ടറാണ് ഓടിക്കൊണ്ടിരിക്കുന്നതിനിടെ കത്തിനശിച്ചത്. സ്‌കൂട്ടറില്‍ നിന്ന് പുക വരുന്നത് കണ്ട എല്‍ദോസ് നിര്‍ത്തി പരിശോധിക്കുന്നതിനിടെ തീ ആളിപ്പടരുകയായിരുന്നു. കോതമംഗലത്ത് നിന്ന് ഫയര്‍ഫോഴ്‌സ് എത്തിയെങ്കിലും അതിനുള്ളില്‍ ആക്ടീവ പൂര്‍ണമായും കത്തിനശിച്ചു. സാങ്കേതിക തകരാറായിരിക്കും തീ പിടിത്തത്തിന് കാരണമന്ന് കരുതുന്നു.
Post Your Comments