മംഗളൂരു: സുഹൃത്തുക്കള്‍ക്കൊപ്പം വെള്ളച്ചാട്ടം കാണാനെത്തിയ യുവാവ് മുങ്ങിമരിച്ചു. മംഗളൂരു മന്നെഗുഡ്ഡെ സ്വദേശി രാജേഷ് (40) ആണ് മരിച്ചത്. കര്‍ക്കല കജെ വെള്ളച്ചാട്ടത്തിലാണ് സംഭവം. 11 സുഹൃത്തുക്കള്‍ക്കൊപ്പം വെള്ളച്ചാട്ടം കാണാനെത്തിയതായിരുന്നു രാജേഷ്. ഇതിനിടെയാണ് അപകടത്തില്‍പെട്ടത്. കൂടെയുണ്ടായിരുന്ന സുഹൃത്തുക്കള്‍ക്ക് രക്ഷപ്പെടുത്താനായില്ല. വിവരമറിഞ്ഞ് പോലീസും ഫയര്‍ഫോഴ്‌സ് ഉദ്യോഗസ്ഥരും സ്ഥലത്തെത്തി മൃതദേഹം പുറത്തെടുത്തു. കര്‍ക്കല പോലീസ് കേസെടുത്തു.
Post Your Comments