അജാനൂര്‍: ട്രെയിന് എഞ്ചിന്റെ കാറ്റിടിച്ച് പതിനഞ്ചുകാരി തെറിച്ചു വീണു. അജാനൂര്‍ ഇഖ്ബാല്‍ റെയില്‍വേ ഗേറ്റിനടുത്ത് ഇന്ന് രാവിലെയാണ് സംഭവം. അജാനൂര്‍ കടപ്പുറത്തെ അസീസിന്റെ മകള്‍ അസീഫയാണ് പാളത്തിന് പുറത്തേക്ക് തെറിച്ചുവീണത്. കാസര്‍കോട് ഭാഗത്തു നിന്നും കാഞ്ഞങ്ങാട് ഭാഗത്തേക്ക് വരികയായിരുന്ന ഇലക്ട്രിക് ലൈനിലെ തകരാറ് പരിശോധിക്കുന്ന ടവര്‍കാര്‍ എഞ്ചിന്റെ കാറ്റടിച്ചാണ് അസീഫ വീണത്. ഗാര്‍ഡന്‍ ഉടന്‍ റെയില്‍വേ പോലീസിനെയും നാട്ടുകാരെയും വിവരമറിയിച്ചു. നാട്ടുകാരും റെയില്‍വേ പോലീസും എത്തി അസിഫയെ കാഞ്ഞങ്ങാട് മന്‍സൂര്‍ ആശുപത്രിയിലെത്തിച്ചു. പ്രാഥമിക ശുശ്രൂഷക്ക് ശേഷം അസിഫ ആശുപത്രി വിട്ടു.
Post Your Comments