കാട്ടാക്കട: ചീങ്കണ്ണിയുടെ കടിയേറ്റു ഒരാൾക്ക് പരിക്ക്. നെയ്യാർഡാം ചീങ്കണ്ണി പാർക്കിൽ ജീവനക്കാരനായ വാച്ചർ വിജയ(42)നാണ് പരിക്കേറ്റത്.അഗസ്ത്യ പാർക്കിൽ കടിപിടി കൂടി പരുക്കേറ്റ് പ്രത്യേക കൂട്ടിലേക്ക് മാറ്റിയ ചീങ്കണ്ണിയുടെ മുറിവിൽ മരുന്ന് വച്ച് മടങ്ങാനൊരുങ്ങുവെയാണ് അപ്രതീക്ഷിതമായി ആക്രമിച്ചത്.
വലതു കയ്യിലാണ് പരിക്കേറ്റത്. രാവിലെ മൂന്ന് പേർക്കൊപ്പമാണ് ചീങ്കണ്ണിയുടെ മുറിവിൽ മരുന്ന് പുരട്ടാൻ വിജയൻ കൂട്ടിൽ കയറിയത്. ആക്രമണം ഉണ്ടാകാതിരിക്കാൻ ചീങ്കണ്ണിയുടെ വായ കെട്ടിയശേഷമാണ് മരുന്ന് വയ്ക്കുക. മരുന്ന് വച്ച ശേഷം കെട്ട് അഴിക്കുന്നതിനിടെയാണ് കടിയേറ്റത്
Post Your Comments