ദുബായ്: രാഹുല്‍ ഗാന്ധിയുടെ യുഎഇ സന്ദര്‍ശനത്തോടനുബന്ധിച്ച്, പ്രചാരണ പ്രവര്‍ത്തനങ്ങള്‍ കൂടുതല്‍ സജീവമായി. ജനുവരി 11നാണ് രാഹുല്‍ ദുബായിലെത്തുക. മഹാത്മഗാന്ധിയുടെ 150ാം ജന്മവാര്‍ഷിക പരിപാടിയുടെ ഭാഗമായി ഐഡിയ ഓഫ് ഇന്ത്യ എന്ന പ്രമേയത്തിലെ സാംസ്കാരിക സമ്മേളനമാണ് പൊതു ചടങ്ങ്.
ദുബായ് ഇതുവരെ കണ്ടതില്‍ വെച്ച് ഏറ്റവും വലിയ സാംസ്കാരിക മേളയ്ക്കാണ് നഗരം ഒരുങ്ങുന്നത്. ഈ മാസം 11 ന് ദുബായ് രാജ്യാന്തര ക്രിക്കറ്റ് സ്റ്റേഡിയത്തില്‍ വൈകിട്ട് നാലിനാണ് ഈ കലാ-സാസ്‌കാരിക സന്ധ്യ. ഈ ചടങ്ങില്‍ രാഹുല്‍ ഗാന്ധി മുഖ്യാതിഥിയായി സംബന്ധിക്കും
ടീ ഷര്‍ട്ടുകളിലും തൊപ്പികളിലും വാഹനങ്ങളില്‍ വരെ രാഹുല്‍ തരംഗമായി മാറുന്ന രീതിയിലാണ് പ്രചാരണം. സമൂഹ മാധ്യങ്ങളിലും പ്രചാരണം ശക്തമായി. യുഎഇയിലെ വിവിധ എമിറേറ്റുകളിലൂടെ ബസ് വഴി യാത്ര ചെയ്ത് , ഒരു സംഘം യുവാക്കള്‍, ഇക്കഴിഞ്ഞ ദിവസം പ്രചാരണം നടത്തിയിരുന്നു.
മുസ്ലീം ലീഗ് അനുഭാവ പ്രവാസി സംഘടനയായ കെ എം സി സിയുടെ കാസര്‍കോഡ് ജില്ലയിലെ സൗഹൃദ കൂട്ടായ്മയാണ് ഇതിന് ചുക്കാന്‍ പിടിച്ചത്. കൂടാതെ, കോണ്‍ഗ്രസ് അനുഭാവ പ്രവാസി സംഘടനകളുടെ നേതൃത്വത്തില്‍, ലേബര്‍ ക്യാംപുകളിലെ വിവിധ സംസ്ഥാനക്കാരായ തൊഴിലാളികള്‍ക്കിടയിലും പ്രചാരണം ശക്തമായി.
Post Your Comments