തിരുവനന്തപുരം: ഇന്ന് അര്‍ദ്ധരാത്രി തുടങ്ങുന്ന ദേശീയ പണിമുടക്കില്‍ ബാങ്ക് ജീവനക്കാരും തൊഴിലാളികളും അദ്ധ്യാപകരും സര്‍ക്കാര്‍ ജീവനക്കാരും പ്രതിരോധ മേഖലയില്‍ പണിയെടുക്കുന്നവരും സ്വതന്ത്ര ഫെഡറേഷനുകളിലെ തൊഴിലാളികളും പങ്കെടുക്കും. വിമാനത്താവളത്തിലെ ജീവനക്കാരും വിമാനങ്ങളിലെ കരാര്‍ തൊഴിലാളികളും പണിമുടക്കില്‍ പങ്കെടുക്കുന്നതിനാല്‍ വിമാന സര്‍വീസുകളെയും ബാധിക്കാനാണ് സാധ്യത.
പൊതു പണിമുടക്കിന്റെ ഭാഗമായി നാളെ രാവിലെ എം.എല്‍.എ ഹോസ്റ്റല്‍ ജംഗ്‌ഷനില്‍ നിന്നു സി.ഐ.ടി .യു നേതൃത്വം നല്‍കുന്ന തൊഴിലാളികളുടെ പ്രധാന പ്രകടനം സെക്രട്ടേറിയറ്റിന് മുന്നിലെ സമരപ്പന്തലിലേക്ക് ആരംഭിക്കും. പാളയത്തെ പാര്‍ക്കിംഗ് ഏരിയയില്‍ നിന്നു ഐ.എന്‍.ടി.യു.സി യുടെയും മാര്‍ക്കറ്റ് ജംഗ്‌ഷനില്‍ നിന്നു എ.ഐ.ടി.യു.സിയുടെയും തൊഴിലാളികള്‍ അണിചേരും. സെക്രട്ടേറിയറ്റിനു മുന്നിലെ സമര കേന്ദ്രത്തില്‍ തിരുവനന്തപുരം,നേമം,കഴക്കൂട്ടം, വട്ടിയൂര്‍ക്കാവ് എന്നീ മണ്ഡലങ്ങളിലെ തൊഴിലാളികളാണ് പങ്കുചേരുക
Post Your Comments