കായംകുളം: ബൈക്ക് മോഷണ സംഘം പോലീസ് പിടിയിൽ. പത്തിയൂര്‍ അങ്ങാടിശ്ശേരില്‍ അജിത്ത് (21) വവ്വാക്കാവ് തഴവമുറി ഹരികൃഷ്ണ ഭവനത്തില്‍ ഹരികൃഷ്ണന്‍ (18) പ്രായപൂര്‍ത്തിയാകാത്ത ഒരാളുമാണ് അറസ്റ്റിലായത്.
സാഹസികമായിട്ടാണ് പോലീസ് പ്രതികളെ പിടികൂടിയത്. കഴിഞ്ഞ ദിവസം രാത്രി പോലീസ് പെട്രോളിങ്ങിനിടെ പത്തിയൂര്‍ മേഖലയില്‍ സംശയാസ്പദമായ രീതിയില്‍ 3 പേർ ബൈക്കിൽ വരുന്നത് കണ്ടെത്തുകയായിരുന്നു. പോലീസിനെ കണ്ടതോടെ വാഹനം ഉപേക്ഷിച്ച് ഓടിപ്പോകാന്‍ ശ്രമിച്ച ഇവരെ കരീലക്കുളങ്ങര പോലീസ് സംഘം ഓടിച്ചിട്ട് പിടികൂടുകയായിരുന്നു.
ചോദ്യം ചെയ്യലില്‍ ഓച്ചിറയില്‍ വൃശ്ചികോത്സവത്തിനെത്തിയ ഓച്ചിറ സ്വദേശിയുടെ ബൈക്ക് മോഷ്ടിച്ചത് ഇവരാണെന്ന് മൊഴി ലഭിച്ചു. അന്വേഷണത്തിൽ മോഷ്ടിച്ച മറ്റൊരു ബൈക്ക് കൂടി പോലീസ് കണ്ടെത്തി.
Post Your Comments