യുവതിയെ മക്കളുടെ മുന്നിലിട്ട് ഭര്‍ത്താവ് വെട്ടിക്കൊന്നു

കോതമംഗലം: മക്കളുടെ മുന്നിലിട്ട് ഭര്‍ത്താവ് ഭാര്യയെ വെട്ടിക്കൊലപ്പെടുത്തി. കോതമംഗലത്ത് ഊന്നുകല്ലിന് സമീപം നമ്ബൂരിക്കൂപ്പിലാണ് സംഭവം നടന്നത്. കാപ്പിച്ചാല്‍ ഭാഗത്ത് ആമക്കാട്ട് സജി ആന്റണി (42) ഭാര്യ പ്രിയ(38)യുടെ കഴുത്തിനിട്ട് വെട്ടിയാണ് കൊലപ്പെടുത്തിയത്. സംഭവത്തിന് ശേഷം പ്രതി സജി ഒളിവിലാണ്.

ചൊവ്വാഴ്ച വൈകിട്ട് അഞ്ചിനായിരുന്നു കൊലപാതകം നടന്നത്. കൊലപാതകത്തിന് ഉപയോഗിച്ച ചെറിയ വാക്കത്തിയും സജിയുടെ മൊബൈല്‍ ഫോണും സ്ഥലത്ത് നിന്നും ലഭിച്ചു. പ്രിയയുടെ കഴുത്തിന്റെ പിന്നിലും നെഞ്ചിലും ആഴത്തില്‍ മുറിവേറ്റതായി പൊലീസ് പറഞ്ഞു. ഒറ്റപ്പെട്ട സ്ഥലത്തെ വാടക വീട്ടിലാണ് ഇവര്‍ താമസിച്ചിരുന്നത്.