നാളെ ട്രെയിന്‍ ഗതാഗത നിയന്ത്രണം

തിരുവനന്തപുരം :  കരുനാഗപ്പള്ളിയില്‍ ട്രാക്ക് അറ്റകുറ്റപ്പണിയെ തുടര്‍ന്ന് ചൊവ്വാഴ്ച ട്രെയിന്‍ ഗതാഗതത്തില്‍ നിയന്ത്രണ ഏര്‍പ്പെടുത്തിയതായി റെയില്‍വേ .

16343 തിരുവനന്തപുരം-മധുര അമൃത എക്‌സ്പ്രസ് രണ്ട് മണിക്കൂര്‍ വൈകിയായിരിക്കും പുറപ്പെടുക. കൊല്ലത്ത് 10 മിനിട്ട് പിടിച്ചിടും.

16127 ചെന്നൈ എഗ്‌മോര്‍ – ഗുരുവായൂര്‍ എക്‌സ്പ്രസ് തിരുവനന്തപുരം- കൊല്ലം സെക്ഷനില്‍ ഒരു മണിക്കൂറും 22655 തിരുവനന്തപുരം-ഹസ്‌റത്ത് നിസാമുദ്ദീന്‍ എക്‌സ്പ്രസ് ശാസ്താംകോട്ടയില്‍ 30 മിനിട്ടും പിടിച്ചിടും.

16792 പാലക്കാട്- തിരുനെല്‍വേലി പാലരുവി എക്‌സ്പ്രസ് കായംകുളം-ഓച്ചിറ സെക്ഷനില്‍ മൂന്ന് മണിക്കൂറും 16331 മുംബൈ സിഎസ്‌എംടി -തിരുവനന്തപുരം വീക്ക്ലി എക്‌സ്പ്രസ് ഓച്ചിറയില്‍ 25മിനിട്ടും പിടിച്ചിടും.