ജസ്‌ന കേസ്; അന്വേഷണത്തില്‍ നിര്‍ണായക വഴിത്തിരിവ്

കോട്ടയം: ഒന്നര വര്‍ഷം മുന്‍പ് മുണ്ടക്കയത്ത് നിന്ന് കാണാതായ ജസ്‌ന നടന്നു പോകുന്നതിന്റെ സി.സി.ടി.വി ദൃശ്യങ്ങള്‍ പുറത്തുവന്നതോടെ അന്വേഷണത്തിൽ നിർണായക വഴിത്തിരിവ്. ദൃശ്യങ്ങള്‍ എന്നുള്ളതാണെന്ന വിവരം പൊലീസ് ഇനിയും പുറത്ത് വിട്ടിട്ടില്ല. അതേസമയം ദൃശ്യങ്ങളിലുള്ള പെണ്‍കുട്ടി ജസ്‌ന തന്നെയാണെന്ന് ഉറപ്പിച്ചിട്ടുണ്ട്. പെൺകുട്ടിക്കൊപ്പം ഒരു യുവാവും മറ്റൊരു സ്ത്രീയും സംശയാസ്പദമായി ഇതുവഴി കടന്നു പോകുന്നതായും ഒരു കാര്‍ ഇറങ്ങി വരുന്നതായും ദൃശ്യങ്ങളിലുണ്ട്.

യുവാവും സ്ത്രീയും ആരാണ് എന്നതിനെപ്പറ്റി യാതൊരു സൂചനയും സംഘത്തിന് ലഭിച്ചിട്ടില്ല. വാഹനം തിരിച്ചറിയുന്നതിന്റെ ഭാഗമായി ടൗണിലെ ഡ്രൈവര്‍മാരെയും ദൃശ്യങ്ങള്‍ കാണിച്ചെങ്കിലും സൂചനയൊന്നും ലഭിച്ചിട്ടില്ല.