ക്രിസ്‍തുമസിന് ഗായകന് ഭാര്യ നല്‍കിയ സമ്മാനം ആരെയും അമ്പരപ്പിക്കും. സമ്മാനത്തിന്റെ വിലയാണ് പലരെയും ഞെട്ടിക്കുന്നത്. മൂന്ന് കോടി വിലമതിക്കുന്ന ആഢംബര കാറായ ലംബോർഗിനിയാണ് ഭാര്യയുടെ സമ്മാനം.
തായ്‍വാനിലെ സൂപ്പര്‍ സ്റ്റാര്‍ പാട്ടുകാരനും സംഗീത സംവിധായകനുമൊക്കെയായ ജേ ചൗവാണ് ആ ഭാഗ്യവാനായ ഭര്‍ത്താവ്. ചൗവിന്‍റെ ഭാര്യയും നടിയും മോഡലുമായ ഹന്ന ക്വിന്‍ലിവാനാണ് ഈ കിടിലന്‍ സമ്മാനം നല്‍കി ചൗവിനെ അമ്പരപ്പിച്ചത്. ചൗവിനുള്ള ജന്മദിന സമ്മാനം കൂടിയാണ് കാര്‍ എന്നാണ് ഭാര്യ പറഞ്ഞത്. നിരവധി ആഢംബര വാഹനങ്ങള്‍ക്ക് ഉടമയാണ് നാല്‍പ്പതുകരനായ ജേ ചൗ.
ഇറ്റാലിയന്‍ സൂപ്പര്‍കാര്‍ നിര്‍മ്മാതാക്കളായ ലംബോര്‍ഗിനിയുടെ അതിവേഗ കാറായ ഉറൂസിന് നിരവധി പ്രത്യേകതളുണ്ട്. ലോകത്തിലെ ഏറ്റവും വേഗമേറിയ കാര്‍ എന്നറിയിപ്പെടുന്ന ഉറൂസിന് 3.6 സെക്കന്‍ഡുകള്‍ കൊണ്ട് നിശ്ചലാവസ്ഥയില്‍ നിന്നും നൂറ് കിലോമീറ്റര്‍ വേഗത കൈവരിക്കാന്‍ സാധിക്കും. മണിക്കൂറില്‍ 305 കിലോമീറ്ററാണ് വാഹനത്തിന്‍റെ പരമാവധി വേഗത.
Post Your Comments