കോട്ടയം: കനക ദുര്‍ഗയും ബിന്ദുവും മല ചവിട്ടാന്‍ സംരക്ഷണം നല്‍കണമെന്ന് ആവശ്യവുമായി പൊലീസിന് നല്‍കിയ കത്തിന് ഇന്ന് മറുപടി നല്‍കും. കോട്ടയം പൊലീസ് സുരക്ഷ നല്‍കാമെന്ന് കഴിഞ്ഞ ദിവസം തന്നെ അറിയിച്ചിരുന്നു. എന്നാല്‍ നിലയ്ക്കല്‍ മുതല്‍ അനുഭവപ്പെടുന്ന കനത്ത ഗതാഗതക്കുരുക്കാണ് പത്തനംതിട്ട പൊലീസിന്് സുരക്ഷയൊരുക്കാന്‍ തടസ്സമായി മുന്നിലുളളത്. അതേസമയം, കാര്യമായ ആരോഗ്യ പ്രശ്‌നങ്ങള്‍ ഇല്ലെങ്കിലും പുറത്ത് ഇറക്കുമ്പോള്‍ ഉണ്ടായേക്കാവുന്ന സുരക്ഷാ പ്രശ്‌നങ്ങളെ മുന്നില്‍ കണ്ട് കൊണ്ടാണ് കനക ദുര്‍ഗ്ഗയേയും ബിന്ദുവിനെയും കോട്ടയം മെഡിക്കല്‍ കോളജില്‍ അഡ്മിറ്റ് ചെയ്തിരിക്കുകയാണ്. ശബരിമലയില്‍ നിന്നും തിരിച്ചിറങ്ങിയ യുവതികള്‍ക്ക് നേരെ കോട്ടയം മെഡിക്കല്‍ കോളേജിലും ആശുപത്രിയിലും ശക്തമായ പ്രതിഷേധമാണ് ഉയര്‍ന്നത്.
Post Your Comments