ബംഗ്ലദേശിനെ തകർത്ത്‌ ട്വന്റി20 പരമ്പര സ്വന്തമാക്കി വിന്‍ഡീസ്

ധാക്ക : ബംഗ്ലദേശിനെ തകർത്ത്‌ ട്വന്റി20 പരമ്പര 2-1 നു സ്വന്തമാക്കി വിന്‍ഡീസ്. മൂന്നാം ട്വന്റി20യില്‍ 50 റണ്‍സ് വിജയമായിരുന്നു വിൻഡീസിന്. 89 റണ്‍സെടുത്ത ഓപ്പണര്‍ എവിന്‍ ലൂയിസിന്റെ തകർപ്പൻ ബാറ്റിങ്ങും 15 റണ്‍സ് മാത്രം വഴങ്ങി 5 വിക്കറ്റെടുത്ത കീമോ പോളിന്റെ ബൗളിങ്ങും ജയം എളുപ്പമാക്കി. സ്കോര്‍: വിന്‍ഡീസ് 19.2 ഓവറില്‍ 190നു പുറത്ത്; ബംഗ്ലദേശ് 17 ഓവറില്‍ 140നു പുറത്ത്.