അ​ട്ട​പ്പാ​ടി​യി​ല്‍ വീ​ണ്ടും ശി​ശു​മ​ര​ണം

അഗളി: അട്ടപ്പാടിയില്‍ വീണ്ടും ശിശുമരണം. നെല്ലിപ്പതി ഊരിലെ രങ്കമ്മ-പഴനിസ്വാമി ദമ്പതികളുടെ കുഞ്ഞാണ് മരിച്ചത്. കഴിഞ്ഞ ദിവസം രാത്രിയാണ് ശാരീരിക ബുദ്ധിമുട്ടുകളും പ്രസവ വേദനയും ഇവര്‍ക്ക് ഉണ്ടായത്. തുടര്‍ന്ന് കോട്ടപ്പുറം ആശുപത്രിയില്‍ കൊണ്ടുപോയെങ്കിലും അവിടെ മതിയായ ചികിത്സ ലഭിച്ചില്ലെന്നാണ് ആരോപണം. തുടര്‍ന്ന് മറ്റൊരു ആശുപത്രിയിലേക്ക് കൊണ്ടുപോയെങ്കിലും മരിച്ച കുഞ്ഞിനെയാണ് പുറത്തെടുത്തതെന്ന് ബന്ധുക്കൾ വ്യക്തമാക്കി.