വര്‍ക്കല : ടൗണില്‍ നിരീക്ഷണ ക്യാമറകള്‍ പൊലീസ് സ്ഥാപിച്ച ദിവസം രാത്രി തന്നെ കള്ളന്‍ സമീപത്തെ കട കുത്തിത്തുറന്ന് മോഷണം നടത്തി. വര്‍ക്കല ടൗണില്‍ ബുധനാഴ്ച്ച പുലര്‍ച്ചെയാണ് ഒരു ഫ്രൂട്ട് സ്റ്റാളില്‍ മോഷ്ടാവ് കയറി പണം അപഹരിച്ചത്.
ഇതിന് തൊട്ടു മുമ്പുള്ള ദിവസമാണ് ടൗണില്‍ നിരീക്ഷണ ക്യാമറകളുമായി ഓപ്പറേഷന്‍ കാവല്‍കണ്ണുകള്‍ ഡിജിപി ഉദ്ഘാടനം ചെയ്തത്. മൈതാനം റൗണ്ട് എബൗട്ടിന് മുന്നിലുള്ള അറഫാ വെജിറ്റബിള്‍ ആന്‍ഡ് ഫ്രൂട്ട്സ്സ് സ്റ്റാളിലാണ് മോഷണം നടന്നത്.
കെട്ടിടത്തിന്റെ രണ്ടാം നിലയിലേക്ക് കയറി കടയുടെ ഇരുമ്പ് ഷീറ്റ് ഇളക്കിയാണ് കള്ളന്‍ അകത്തു കടന്നത്. തുടര്‍ന്ന്‌ന സ്റ്റീല്‍ മേശയുടെ ഡ്രോയര്‍ കുത്തിത്തുറന്ന് പണം കവര്‍ന്നു. റൗണ്ട് എബൗട്ടില്‍ സ്ഥാപിച്ച ക്യാമറകളിലൊന്നില്‍ മോഷ്ടാവിന്റെ ചിത്രങ്ങള്‍ പതിഞ്ഞിട്ടുണ്ട്.
Post Your Comments