ലാ​ലു പ്ര​സാ​ദിന് ഇടക്കാല ജാമ്യം

റാ​ഞ്ചി: ആ​ര്‍​ജെ​ഡി അ​ധ്യ​ക്ഷ​ന്‍ ലാ​ലു പ്ര​സാ​ദ് യാ​ദ​വിന് ഇടക്കാല ജാമ്യം. ജ​നു​വ​രി 19 വ​രെ ഡ​ല്‍​ഹി കോ​ട​തി​യാ​ണ് ലാ​ലു​വി​ന് ജാ​മ്യം അ​നു​വ​ദി​ച്ച​ത്. സി​ബി​ഐ​യും എ​ന്‍​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റും അ​ന്വേ​ഷി​ച്ച ര​ണ്ടു കേ​സു​ക​ളി​ലാ​ണ് ജാമ്യം ലഭിച്ചത്.

എന്നാൽ കാ​ലി​ത്തീ​റ്റ കും​ഭ​കോ​ണ​ക്കേ​സി​ല്‍ നിലവിൽ ജയിലിൽ കഴിയുകയാണ് ലാലു പ്രസാദ് . അതുകൊണ്ടുതന്നെ ജാമ്യം ലഭിച്ചുവെങ്കിലും ലാ​ലു​വി​ന് പു​റ​ത്തി​റ​ങ്ങാ​നാ​വി​ല്ല. ജ​യി​ലി​ല്‍ ക​ഴി​യു​ന്ന ലാ​ലു​വി​നെ വീഡി​യോ കോ​ണ്‍​ഫ​റ​ന്‍​സ് വ​ഴി​യാ​ണ് പ്ര​ത്യേ​ക ജ​ഡ്ജി അ​രു​ണ്‍ ഭ​ര​ദ്വാ​ജി​ന് മുമ്പാ​കെ ഹാ​ജ​രാ​ക്കി​യ​ത്. ജ​നു​വ​രി 19ന് ​കേ​സ് വീ​ണ്ടും കോ​ട​തി പ​രി​ഗ​ണി​ക്കും.

2004-ല്‍ ലാ​ലു കേ​ന്ദ്ര റെ​യി​ല്‍​വേ മ​ന്ത്രി​യാ​യി​രു​ന്ന​പ്പോ​ള്‍ ​ഇ​ന്ത്യ​ന്‍ റെ​യി​ല്‍​വേ കേ​റ്റ​റിം​ഗ് ആ​ന്‍​ഡ് ടൂ​റി​സം കോ​ര്‍​പ​റേ​ഷ​ന്‍റെ (ഐ​ആ​ര്‍​സി​ടി​സി) റാ​ഞ്ചി​യി​ലെ​യും പു​രി​യി​ലെ​യും ഹോ​ട്ട​ലു​ക​ളു​ടെ ന​ട​ത്തി​പ്പു ക​രാ​ര്‍ സു​ജാ​ത ഹോ​ട്ട​ല്‍​സ് എ​ന്ന സ്വ​കാ​ര്യ ക​ന്പ​നി​ക്കു ന​ല്‍​കി​യ​തി​നു കൈ​ക്കൂ​ലി​യാ​യി പാ​റ്റ്ന​യി​ല്‍ ബി​നാ​മി പേ​രി​ല്‍ വ​ന്‍ വി​ല​യു​ള്ള മൂ​ന്നേ​ക്ക​ര്‍ ഭൂ​മി ല​ഭി​ച്ചു​വെ​ന്നാ​ണു കേ​സ്.