ദോഹ: ഖത്തറിലെ ആദ്യ വാനനിരീക്ഷണ കേന്ദ്രമായ ‘കതാറ’ സന്ദര്‍ശകര്‍ക്കായി തുറന്നുകൊടുത്തു. വിവിധ രാജ്യങ്ങളുടെ നയതന്ത്ര പ്രതിനിധികളുടെ സന്നിധ്യത്തില്‍ ഖത്തറിന്റെ ദേശീയ ദിനത്തിലാണ് ഉദ്ഘാടനം നടത്തിയത്. ക്ഷീരപഥങ്ങളുടെ 3 ഡി രൂപം കാണുന്നതിനുള്ള സൗകര്യം പ്ലാനിറ്റോറിയത്തിലുണ്ട്. മറ്റു പ്ലാനിറ്റോറിയത്തിലെ വിവരങ്ങള്‍ സന്ദര്‍ശകര്‍ക്ക് ലഭ്യമാക്കുന്നതിനുള്ള ഡിജിസ്റ്റാര്‍ സംവിധാനവും ഇവിടെയുണ്ട്. സൗരയൂഥ മാതൃകകള്‍, സ്‌പേസ് യൂണിഫോം മാതൃകകള്‍, സൗരയൂഥത്തെ സംബന്ധിക്കുന്ന ശാസ്ത്രീയ വിവരങ്ങള്‍ എന്നിവയും സന്ദര്‍ശകര്‍ക്കായി ഒരുക്കിയിട്ടുണ്ട്.
Post Your Comments