ആലപ്പുഴ: ബൈക്കപകടത്തെ തുടന്ന് പരിക്കേറ്റ് ബോധരഹിതരായി റോഡില്‍ കിടന്ന രണ്ട് യുവാക്കളുടെ ജീവന്‍ രക്ഷിച്ച് വീട്ടമ്മ. പന്തളം മാവേലിക്കര റോഡില്‍ ഇടപ്പോണ്‍ ഐരാണിക്കുടി പാലത്തിന് സമീപം കാറും സ്‌കൂട്ടറും കൂട്ടിയിടിച്ച്‌ ഗുരുതരമായി പരുക്കേറ്റ ഇടപ്പോണ്‍ സ്വദേശികളായ പ്രദീപിനെയും പ്രകാശിനെയും ആശുപത്രിയിലെത്തിച്ചത് നാല്‍പ്പത്തിനാലുകാരിയായ ഗീത സന്തോഷ് എന്ന വീട്ടമ്മയാണ്. അപകടം കണ്ടുനിന്ന മറ്റെല്ലാവരും തന്നെ കാഴ്ച്ചക്കാരായി നോക്കിനിൽക്കെയായിരുന്നു വീട്ടമ്മയുടെ ഇടപെടൽ.
ബന്ധുവിന്റെ മകനെ സ്‌കൂളില്‍ അയച്ച ശേഷം മകനുമായി കാര്‍ ഡ്രൈവ് ചെയ്ത് വീട്ടിലേക്ക് മടങ്ങവെ ആള്‍ക്കൂട്ടം കണ്ടാണ് ഗീത കാര്‍ നിര്‍ത്തിയത്. തലയ്ക്ക് പരുക്കേറ്റ് രക്തം വാര്‍ന്ന അവസ്ഥയിലായിരുന്നു യുവാക്കള്‍. ഒട്ടേറെപ്പേര്‍ കാഴ്ചക്കാരായി മാത്രം നില്‍ക്കെയാണ്, ഗീത ഇവരെ വേഗം ആശുപത്രിയില്‍ എത്തിച്ചത്. ഇടപ്പോണ്‍ സംഗീതയില്‍ എസ് സന്തോഷിന്റെ ഭാര്യയാണ് ഗീത. ഭര്‍ത്താവിനൊപ്പം സൗദിയില്‍ ആയിരുന്നു. എട്ടുമാസമായി ഇടപ്പോണിലുള്ള വീട്ടില്‍ താമസമാക്കിയിട്ട്.
Post Your Comments