കൊച്ചി : കളിച്ച് നടക്കുന്ന പ്രായത്തിലാണ് ഈ കൊച്ചുമിടുക്കി മീന്‍ കച്ചവടം നടത്തുന്നത്. സ്‌കൂളില്‍ പോകേണ്ട പ്രായത്തില്‍ മീന്‍ കച്ചവടം നടത്തുന്ന ഒരു പെണ്‍കുട്ടിയുടെ ചിത്രമാണ് ഇപ്പോള്‍ ഫെയ്സ്ബുക്കില്‍ വൈറലാകുന്നത്. കൊച്ചിയിലെ ബോള്‍ഗാട്ടി ജംക്ഷനില്‍ നിന്നാണ് ഈ കാഴ്ച. ജീവിതത്തിലെ എല്ലാ പ്രാരാബ്ധവും ഏറ്റുവാങ്ങിയ പെണ്‍കുട്ടിയുടെ തീഷ്ണമായ നോട്ടമാണ് സോഷ്യല്‍ മീഡിയയില്‍ വൈറലാകുന്നത്.
സോണി സ്റ്റാന്‍ലി എന്നയാളാണ് ഫേസ്ബുക്കില്‍ ഈ ഫോട്ടോ പങ്കുവെച്ചിരിക്കുന്നത്. ഫോട്ടോക്കൊപ്പം ഒരു കുറിപ്പും ഇദ്ദേഹം എഴുതിയിരുന്നു.ഇരുപത്തിനാലായിരത്തില്പരം ആളുകളാണ് ഈ കുറിപ്പ് ഷെയര്‍ ചെയ്തിരിക്കുന്നത്. ഈ പെണ്‍കുട്ടിയെക്കുറിച്ച് മറ്റു വിവരങ്ങളൊന്നും ലഭിച്ചിട്ടില്ല.
തമ്മനത്ത് മീന്‍ കച്ചവടം നടത്തിയ ഹനാന്‍ എന്ന വിദ്യാര്‍ത്ഥിയുടെ കഥ മാസങ്ങള്‍ക്ക് മുന്‍പാണ് പുറത്തു വന്നത്. ഇത് സൈബര്‍ ലോകവും കേരള ജനതയും ഏറ്റെടുത്തിരുന്നു.
Post Your Comments