ആലപ്പുഴ: കുട്ടനാട്ടില്‍ ബേക്കറിയില്‍ വൻ സ്‌ഫോടനം. സ്‌ഫോടനത്തെ തുടർന്ന് കടയുടെ പിന്നിലെ ഭിത്തികളും നാല് ഷട്ടറുകളും തകര്‍ന്നു. കുട്ടനാട് പുളിങ്കുന്നില്‍ ബേക്കറിയിലാണ് സ്‌ഫോടനമുണ്ടായത്.
സ്‌ഫോടനത്തിന്റെ കാരണം എന്താണെന്ന് വ്യക്തമല്ല. ഗ്യാസ് പൊട്ടിത്തെറിച്ചതാണെന്നായിരുന്നു ആദ്യം കരുതിയത്. എന്നാല്‍ ബേക്കറിയില്‍ ഉണ്ടായിരുന്ന പാചകവാതക സിലിണ്ടറിന് കേടുപാടുകളില്ല.
കടയിലെ ഫ്രീസറിനോ കംപ്രസറിനോ ഒന്നും കേടുപാടുകളില്ല. മറ്റെന്താണ് പൊട്ടിത്തെറിച്ചതെന്ന് തിരിച്ചറിഞ്ഞിട്ടില്ല. ശക്തമായ സ്‌ഫോടനത്തെ തുടര്‍ന്ന് ബേക്കറിയിലെ സാധനങ്ങള്‍ മീറ്ററുകള്‍ ദൂരത്തേക്ക് തെറിച്ചു പോയി. കിലോമീറ്ററുകളോളം ദൂരം സ്‌ഫോടനത്തിന്റെ ശബ്ദം കേട്ടതായി നാട്ടുകാര്‍ പറഞ്ഞു. പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
Post Your Comments