വീടിന്റെ പരിസരത്തിരുന്ന് മദ്യപിച്ചത് ചോദ്യം ചെയ്ത യുവാവിനെ കുത്തിയ കേസില്‍ രണ്ടു പേര്‍ അറസ്റ്റില്‍

വൈപ്പിന്‍: വീടിന്റെ പരിസരത്തിരുന്ന് മദ്യപിച്ചത് ചോദ്യം ചെയ്ത യുവാവിനെ കത്തിക്ക് കുത്തി പരിക്കേല്‍പ്പിച്ച കേസിലെ നാല് പ്രതികളില്‍ രണ്ട് പേരെ ഞാറക്കല്‍ പോലീസ് അറസ്റ്റ് ചെയ്തു. രണ്ടാം പ്രതി ഞാറക്കല്‍ പെരുമ്പിള്ളി മണ്ടപത്തില്‍ ജിബിന്‍-23, നാലാം പ്രതി ഞാറക്കല്‍ കിഴക്കേ അപ്പങ്ങാട് അഞ്ചലശേരി ഹൃദയ്-20 എന്നിവരാണ് അറസ്റ്റിലായത്.

ഒന്നും മൂന്നും പ്രതികള്‍ ഒളിവിലാണെന്ന് പോലീസ് പറഞ്ഞു. 13ന് രാത്രി എളങ്കുന്നപ്പുഴ നാറാണത്ത് ക്ഷേത്രത്തിനടുത്തുവച്ചാണ് സംഭവം. എളങ്കുന്നപ്പുഴ കോന്നോത്ത് വീട്ടില്‍ ബിനോയ് ജോസഫി-36നാണ് കുത്തേറ്റത്. ഒന്നാം പ്രതി മുന്ന എന്ന് വിളിക്കുന്ന പ്രജിത്ത് കത്തിയെടുത്ത് ആക്രമിക്കുന്നതിനിടയില്‍ നെറ്റിയില്‍ കുത്തേല്‍ക്കുകയായിരുന്നു. വധശ്രമത്തിനു കേസെടുത്ത പോലീസ് രണ്ട് പ്രതികളെ ഞാറക്കല്‍നിന്നാണ് അറസ്റ്റ് ചെയ്തത്.