ഗോവ : നോർത്ത് ഈസ്റ്റിനെ ഗോൾ മഴയിൽ മുക്കി എഫ് സി ഗോവയുടെ തേരോട്ടം. ഒന്നിനെതിരെ അഞ്ചു ഗോളുകൾക്കാണ് നോർത്ത് ഈസ്റ്റിനെ ഗോവ പരാജയപ്പെടുത്തി നിർണായക ജയം സ്വന്തമാക്കിയത്. ആദ്യ പകുതിയിൽ പോരാടിയ ഇരു ടീമുകൾക്കും ഗോൾ നേടാനായില്ല. രണ്ടാം പകുതിയിലേക്ക് കടന്നപ്പോഴാണ് മത്സരത്തിന്റെ ഗതി മാറിയത്. ഫെറൻ കോറോ(59,84 മിനിറ്റ്), എഡു ബേഡിയ (69 മിനിറ്റ്), ഹ്യൂഗോ ബോമസ്(71 മിനിറ്റ്), മിഗുൽ പലാങ്ക(91മിനിറ്റ് ഇഞ്ചുറി ടൈം) എന്നിവരാണ് ഗോവയുടെ വിജയ ഗോളുകൾ നേടിയത്.
90ആം മിനിറ്റിൽ ബാർത്തോ ഓഗ്ബചെയാണ് നോർത്ത് ഈസ്റ്റിന്റെ ആശ്വാസ ഗോൾ നേടിയത്. ഈ ജയത്തോടെ ഗോവ 20 പോയിന്റ് നേടി പട്ടികയിൽ മൂന്നാം സ്ഥാനത്തെത്തി. നോർത്ത് ഈസ്റ്റ് നാലാം സ്ഥാനത്തും തുടരുന്നു.
Post Your Comments