മുംബൈ : തെരഞ്ഞെടുപ്പില്‍ വിജയിച്ച കോണ്‍ഗ്രസിന്റെ നേതാക്കള്‍ക്ക് വിജയ് മല്യയുടെ ആശംസ. യുവ കോണ്‍ഗ്രസ് നേതാക്കളായ സച്ചിന്‍ പൈലറ്റിനും ജ്യോതിരാദിത്യ സിന്ധ്യക്കും അനുമോദനവുമായാണ് വിജയ് മല്യ രംഗത്ത് എത്തിയത്. . ഇന്ത്യയുടെ ‘യംഗ് ചാമ്പ്യന്‍സ്’ എന്ന ട്വീറ്റോടു കൂടിയാണ് മല്യ ഇരുവര്‍ക്കും പ്രശംസ ചൊരിഞ്ഞത്.
സാമ്പത്തിക തട്ടിപ്പ് കേസില്‍ പെട്ട് ഇന്ത്യയില്‍ നിന്നും യു.കെയിലേക്ക് കടന്ന വിജയ് മല്യയെ ഇന്ത്യക്ക് തിരികെ കൈമാറാന്‍ ബ്രിട്ടന്‍ തീരുമാനിച്ചതിന് തൊട്ടുപിറകെയാണ് അനുമോദന സന്ദേശം.
9,000 കോടി രൂപയുടെ സാമ്ബത്തിക തട്ടിപ്പുമായി ബന്ധപ്പെട്ട് രാജ്യം പിടികിട്ടാപുള്ളിയായി പ്രഖ്യാപിച്ച വിജയ് മല്യയെ തിരികെ കൈമാറാന്‍ യു.കെ കോടതി വിധിക്കുകയായിരുന്നു.
ഇന്ത്യക്ക് ലഭിക്കുകയാണെങ്കില്‍ അതീവ സുരക്ഷയുള്ള മുംബൈയിലെ സുപ്രസിദ്ധ ജയില്‍ കോംപ്ലക്‌സിലായിരിക്കും മല്യയെ പാര്‍പ്പിക്കുകയെന്ന് ന്യൂസ് ഏജന്‍സിയായ് പി.ടി.ഐ അറിയിച്ചു. മുംബൈ ആക്രമണത്തിലെ പ്രതിയായ അജ്മല്‍ കസബ് ഉള്‍പ്പടെയുള്ളവരെ തടവില്‍ പാര്‍പ്പിച്ച ജയിലാണിത്.
Post Your Comments