പത്തനംതിട്ട: അര്‍ധരാത്രിയില്‍ ജനല്‍ വഴി മാല മോഷ്ടിച്ച കള്ളനെ തന്റെ സ്‌കൂട്ടറില്‍ പിന്തുടര്‍ന്ന വീട്ടമ്മ കള്ളനില്‍ നിന്നും മാല തിരിച്ചെടുത്തു. റാന്നിയില്‍ നടന്ന സംഭവം ഇങ്ങനെ. ഉറക്കത്തിനിടെ വീടിന്റെ ജനല്‍ കമ്പി വളച്ച് മാല പൊട്ടിച്ചോടിയ കള്ളനെ തന്റെ സ്‌കൂട്ടറില്‍ പിന്തുടര്‍ന്ന് മാല കൈക്കലാക്കി. ഏകദേശം അര കിലോമീറ്ററോളം സ്‌കൂട്ടറില്‍ ഇവര്‍ കള്ളനെ പിന്തുടര്‍ന്നു.
ബുധനാഴ്ച പുലര്‍ച്ചെ രണ്ടുമണിയോടെ റാന്നിയിലാണ് സംഭവം. എന്നാല്‍ ഇവരുടെ ബഹളം കേട്ട് അയല്‍വാസികള്‍ ഓടിയെത്തുന്നതിനിടെ കള്ളന്‍ ഓടി രക്ഷപ്പെടുകയായിരുന്നു. അങ്ങനെ വിട്ടുകൊടുക്കാന്‍ വീട്ടമ്മ ഒരുക്കമായിരുന്നില്ല. ഇവര്‍ തന്റെ സ്‌കൂട്ടറില്‍ മോഷ്ടാവിനെ പിന്തുടരുകയായിരുന്നു. ഇതിനിടെ ഓട്ടത്തിനിടെ വീണുപോട കള്ളന്റെ മൊബൈല്‍ ഫോണ്‍ വീട്ടമ്മ കൈക്കലാക്കി. എന്നാല്‍ കള്ളന്‍ ഓടി രക്ഷപ്പെട്ടു.
പിന്നീട് രാവിലെ അഞ്ചുമണിയോടെ മൊബൈല്‍ ഫോണ്‍ തപ്പി വീട്ടമ്മയുമായി പിടിവലി ഉണ്ടായ സ്ഥലത്തു പരിശോധിക്കാനെത്തിയ കള്ളനെ പ്രഭാതനടത്തത്തിന് ഇറങ്ങിയ നാട്ടുകാരന്‍ സംശയം തോന്നി പിടിച്ചുനിര്‍ത്തി. സംഭവം അറിഞ്ഞെത്തിയ വീട്ടമ്മ കള്ളനെ ‘കൈകാര്യം’ ചെയ്ത് പോലീസില്‍ ഏല്‍പിക്കുകയും ചെയ്തു.
Post Your Comments