വീടിന് മുന്നില്‍ പാര്‍ക്ക് ചെയ്ത കാറും ബൈക്കും കത്തി നശിച്ച നിലയില്‍

തിരുവനന്തപുരം•വീട്ടില്‍ പാര്‍ക്ക് ചെയ്തിരുന്ന കാറും ബൈക്കും തീപിടിച്ച് നശിച്ച നിലയില്‍ കണ്ടെത്തി.
തിരുവനന്തപുരം പറണ്ടോട് വലിയ കലുങ്ക് ബിസ്മി മന്‍സിലില്‍ നാസറിന്റെ കാറും ബൈക്കുമാണ് തീ വെച്ച് നശിപ്പിച്ച നിലയില്‍ കാണപ്പെട്ടത്.

രാത്രി ഒരു മണിയോട് കൂടിയാണ് സംഭവം നടന്നതെന്നാണ് കരുതുന്നത്. വീട്ടുകാര്‍ രാവിലെ ഉണരുമ്പോഴേക്കും കാര്‍പോര്‍ച്ചും സിറ്റൗട്ടും പുക മൂടി കിടക്കുകയായിരുന്നു. തക്കസമയത്ത് തീ അണച്ചത് കൊണ്ട് കൂടുതല്‍ നാശനഷ്ടങ്ങള്‍ സംഭവിച്ചില്ല. അല്ലായിരുന്നെങ്കില്‍ വന്‍ അപകടം നടന്നേനെ. പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.