ശ്രീനഗര്‍ : ജമ്മു കാശ്മീരില്‍ ഭീകരാക്രമണത്തില്‍ മൂന്ന് പൊലീസുകാര്‍ കൊല്ലപ്പെട്ടു. ഷോപ്പിയാന്‍ ജില്ലയിലെ ഒരു സുരക്ഷാ പോസ്റ്റിനു നേരെയാണ് ഭീകരര്‍ വെടിയുതിര്‍ത്തത്. ജനവാസമേഖലയില്‍ നിരീക്ഷണം നടത്തുകയായിരുന്ന പൊലീസുകാരെ ലക്ഷ്യം വച്ചായിരുന്നു ഭീകരരുടെ ആക്രമണം.
ഡ്യൂട്ടിയിലുണ്ടായിരുന്ന നാല് പേരില്‍ മൂന്ന് പേരും സംഭവ സ്ഥലത്ത് വെച്ച് തന്നെ കൊല്ലപ്പെട്ടു. ഗുരുതരമായ പരിക്കുകളോടെ ഒരാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. ആക്രമണത്തിന് ശേഷം പൊലീസ് ഉദ്യോഗസ്ഥരുടെ തോക്കുകളുമായാണ് ഭീകരര്‍ കടന്നു കളഞ്ഞത്.
Post Your Comments