സാന്റിയാഗോ: ഗോള്‍ഡന്‍ ഗ്ലോബ് രാജ്യാന്തര പായ് വഞ്ചി മത്സരത്തിനിടെ വീണ്ടും അപകടം.മലയാളി സമുദ്ര സഞ്ചാരി കമാന്‍ഡര്‍ അഭിലാഷ് ടോമിക്ക് സംഭവിച്ചതിന് സമാനമായ അപകടമാണ് ഉണ്ടായത്.ചിലെയ്ക്ക് സമീപം കേഹ് ഹൂണ്‍ മുനമ്പില്‍ 2000 നോട്ടിക്കല്‍ മൈല്‍ അകലെ വ്യാഴാഴ്ച പുലര്‍ച്ചയോടെയാണ് അപകടം. കാറ്റിലും വന്‍തിരയിലുംപെട്ടാണ് സൂസിയുടെ പായ് വഞ്ചി അപകടത്തില്‍ പെട്ടത്.
പായ്മരങ്ങള്‍ ഒടിഞ്ഞതിനെ തുടര്‍ന്ന് ഡീസല്‍ എഞ്ചിന്‍ പ്രവര്‍ത്തിക്കാന്‍ ശ്രമിച്ചെങ്കിലും 20 മിനിറ്റിനകം പ്രവര്‍ത്തനം നിലച്ചു.സംഭവത്തെ തുടര്‍ന്ന് ഏതാനും സമയം ബോധരഹിതയായ സൂസി പിന്നീട് ഉണര്‍ന്നു. ഇതിനിടെ സൂസിയുമായി സാറ്റലൈറ്റ് വഴി സംസാരിച്ച സംഘാടകര്‍ രക്ഷാപ്രവര്‍ത്തനത്തിനുള്ള നീക്കം ആരംഭിച്ചിരുന്നു.വഞ്ചി നങ്കൂരമിടാനായത് തിരമാലയില്‍ ഒഴുകിപ്പോകാതിരിക്കാനും രക്ഷാപ്രവര്‍ത്തകര്‍ക്ക് എളുപ്പം കണ്ടെത്താനും സഹായകമായി. ചിലെ മാരിടൈം റസ്‌ക്യൂ സര്‍വീസിന്റെ നിര്‍ദേശപ്രകാരം സമീപമേഖലയിലുണ്ടായ തിയാന്‍ ഫൂ കപ്പലിന്റെ വഴി തിരിച്ചുവിട്ടു.സൂസിയുമായി ചിലെയിലേക്ക് നീങ്ങുന്ന കപ്പല്‍ 12ന് തീരത്തെത്തുമെന്നാണ് പ്രതീക്ഷിക്കുന്നത്.
Post Your Comments