ആലപ്പുഴ : ആലപ്പുഴയില്‍ നടക്കുന്ന 59ാമത് സംസ്ഥാന സ്‌കൂള്‍ കലോത്സവം ഇന്ന് സമാപിക്കും. ഒന്നാംസ്ഥാനത്തിനായി കോഴിക്കോടും പാലക്കാടും തമ്മില്‍ ഇഞ്ചോടിഞ്ച് പോരാട്ടമാണ് നടക്കുന്നത്. 175 ഇനങ്ങള്‍ പൂര്‍ത്തിയായപ്പോള്‍ 700 പോയിന്റുമായി കോഴിക്കോടും 698 പോയിന്റമായി പാലക്കാടും മുന്നേറുകയാണ്. അതേസമയം തൃശ്ശൂര്‍ ജില്ല തൊട്ടു പുറകെയുണ്ട്.
മിമിക്രി, സംഘനൃത്തം, മോണോ ആക്ട്, നാടോടി നൃത്തം ഉള്‍പ്പെടെ 52 മത്സര ഇനങ്ങള്‍ ഇന്ന് വേദിയിലെത്തും. അതേസമയം ആലപ്പുഴ കൂടിയാട്ടം ടീമിന്റെ പരിശീലകനെ വിധികര്‍ത്താവാക്കിയതില്‍ പ്രതിഷേധം ഇരമ്പിയതോടെ മാറ്റിവച്ച മത്സരം ഇന്ന് രാവിലെ ടൗണ്‍ ഹാളില്‍ നടക്കും.
Post Your Comments