ചന്ദ്രപൂർ : ട്രക്ക് വാനിലിടിച്ചുണ്ടായ അപകടത്തിൽ 11 പേർ മരിച്ചു. മരിച്ചവരിൽ ഏഴ് സ്ത്രീകളും രണ്ട് കുട്ടികളും ഉണ്ട്. ഗുരുതരമായി പരിക്കേറ്റ നാലുപേരെ ആശുപത്രിയിൽ പ്രവേശിപ്പിച്ചു. മഹാരാഷ്ട്രയിലെ ചന്ദ്രപൂരിൽ ശനിയാഴ്ച രാത്രിയായിരുന്നു സംഭവം.
നിയന്ത്രണം വിട്ട ട്രക്ക് വാനില്‍ ഇടിക്കുകയായിരുന്നു.വാൻ ഡ്രൈവർ സംഭവസ്ഥലത്തുവെച്ചുതന്നെ മരിച്ചു. ട്രക്ക് ഡ്രൈവറിന്റെ മൊഴിയെടുക്കുകയാണ് പോലീസ്. സിസിടിവി ദൃശ്യങ്ങൾ പരിശോധിച്ച ശേഷം കൂടുതൽ വിവരങ്ങൾ വ്യക്തമാകുമെന്ന് പോലീസ് അറിയിച്ചു.
Post Your Comments