മുംബൈ: മൊബൈൽ മോഷ്ടിച്ചതിന്റെ പേരിൽ വിവാഹ ഘോഷയാത്രയ്ക്കിടെ നവവരനെയും കൂട്ടുകാരനെയും പോലീസ് പിടികൂടി. മുംബൈയിലാണ് സംഭവം. അജയ് സുനില്‍ ദോത്തിയും കൂട്ടുകാരന്‍ അല്‍ത്താഫ് മിശ്രയുമാണ് പിടിയിലായത്. രണ്ട് ദിവസം മുൻപാണ് നമ്പർ പ്ലേറ്റ് മറച്ച ബൈക്കിലെത്തിയ ഇവര്‍ ഒറ്റയ്ക്ക് നടന്നുപോവുകയായിരുന്ന യുവതിയുടെ കൈയിലുണ്ടായിരുന്ന മൊബൈല്‍ തട്ടിയെടുത്തത്. യുവതിയുടെ പരാതിയെത്തുടര്‍ന്ന് സി.സി.ടി.വി ദൃശ്യങ്ങള്‍ പരിശോധിച്ചപ്പോഴാണ് പ്രതികളെ തിരിച്ചറിഞ്ഞത്. വിവരം പുറത്തറിഞ്ഞാല്‍ രക്ഷപ്പെടാന്‍ സാധ്യതയുള്ളതിനാല്‍ ഘോഷയാത്രക്കിടെ അറസ്റ്റുചെയ്യുകയായിരുന്നു.
Post Your Comments